Rexistros Acáshicos e Reconexión Interior

Hoxe falamos cada vez máis da importancia de coidar o corpo físico, a mente e tamén as emocións. Buscamos aprendemos a escoitar o que necesitamos, a poñer límites, a descansar e a atender o noso mundo interior.

Pero hai unha parte de nós da que apenas falamos: o noso corpo enerxético.

Todo é enerxía. E, do mesmo xeito que coñecemos o noso corpo físico, tamén podemos coñecer o noso campo enerxético, aprender a percibilo e descubrir como coidalo.

Esta formación é unha invitación a adentrarnos nel e facernos responsables da nosa propia enerxía.

A través dunha base teórica sinxela e dunha práctica de 21 días, iremos achegándonos ao noso sistema enerxético e aprendendo ferramentas para enraizarnos, limpar e coidar o noso campo, liberar patróns, renovar a nosa enerxía e desenvolver unha maior sensibilidade cara ao sutil.

Non se trata só de protexernos ou limparnos, senón de aprender a recoñecer os nosos recursos, capacidades e dons, e abrir un espazo para exploralos e desenvolvelos.

¿Que imos explorar?

• As diferentes dimensións da conciencia.
• Os corpos que nos habitan.
• O noso sistema enerxético e como coidalo.
• A percepción do sutil.

¿Que aprenderemos?

• Prácticas de enraizamento e presenza.
• Limpeza do canal e do campo enerxético.
• Liberación de patróns.
• Renovación e xestión da nosa enerxía.

Unha formación para volver a nós, coñecer mellor aquilo que nos habita e recuperar a capacidade de coidar e dirixir a nosa propia enerxía.

As lecturas de Rexistros Akhásicos permiten acceder á información da nosa alma para recibir orientación, claridade e enerxía sanadora sobre calquera aspecto da vida. Este proceso non entrega respostas externas: guíanos cara á comprensión profunda do noso ser e á reconexión co noso corazón.

Nunha lectura, abrimos unha porta ao amor máis grande, ao entendemento e á liberación de memorias ou patróns que xa non nos serven. A través desta conexión, acendemos a intuición, equilibramos o sistema enerxético e entramos en estados de quietude, calma e apertura, permitindo que emerxa a nosa propia sabedoría. Cada sesión é un espazo seguro, amoroso e sostedor para explorar a información que reside no noso campo sutil e para activar procesos de autodescubrimento e evolución.

As sesións teñen unha duración de entre unha hora e unha hora e media. Presencial ou online. 

• Información ou cita: naiaragonzalezf@gmail.com

• Tameana

A Tameana unha técnica de harmonización enerxética que busca restablecer o fluxo vital, equilibrar o campo enerxético e liberar bloqueos. Ao facelo, permite experimentar benestar, paz e coherencia interna, facilitando unha conexión máis profunda co teu Ser. 

Desenvolvida a partir da canalización de Juan Manuel Giordano, esta práctica utiliza cristais de cuarzo, símbolos e figuras de xeometría sagrada para crear un campo de alta frecuencia que interactúa co teu sistema enerxético e favorece un proceso de limpeza, reequilibrio e integración interna a todos os niveis.

O que ofrezo

•  Sesións grupais de Tameana (puja) con cantos do alma

A puja é un abrecamiños, axuda a liberar os bloqueos que se interpoñen entre ti e o teu camiño do corazón, expande o teu chakra do corazón e eleva a túa consciencia.  

A sesión realízase tumbado/a, en estado de relaxación e meditación, para que podas entregarte a esta viaxe na que os cuarzos, os símbolos, a vibración da linguaxe de luz e os sons te sumerxen.  

Duración: 2 horas

• Sesións individuais 

Nas sesións individuais traballamos de forma personalizada co teu campo enerxético. Establecemos un contexto de alta vibración adaptado a ti, favorecendo a liberación de bloqueos, a ordenación interior e a restauración do equilibrio enerxético. Estas sesións están pensadas para apoiar procesos de benestar, claridade emocional e reconexión contigo mesmo/a.

Duración: 1 hora